Armenııa prezıdenti TRIPP jobasynyń kelisimin ratıfıkatsııalaıtyn zańǵa qol qoıdy
EREVAN. KAZINFORM – Armenııa prezıdenti Vaagn Hachatýrıan «Halyqaralyq beıbitshilik pen órkendeý jolyndaǵy Tramp baǵyty» (TRIPP) jobasy aıasyndaǵy strategııalyq yntymaqtastyq týraly negizdemelik kelisimdi ratıfıkatsııalaıtyn zańǵa qol qoıdy, dep habarlaıdy Kazinform agenttiginiń Erevandaǵy menshikti tilshisi.
Aıta keteıik, 28 qazanda Armenııanyń Ulttyq jınalysy (parlament – avt.) atalǵan kelisimdi ratıfıkatsııalaǵan edi. Qujatqa «Azamattyq kelisim» bılik partııasynyń 63 depýtaty qoldaý kórsetip, oppozıtsııanyń 32 ókili qarsy daýys bergen.
Eske salaıyq, taıaýda AQSh, Armenııa jáne Ázerbaıjan TRIPP jobasyn iske asyratyn tehnıkalyq josparlaý toptaryn qurdy.
Buǵan deıin Armenııa premer-mınıstri Nıkol Pashınıan TRIPP jobasyn júze asyrý aımaqtaǵy ózara kólik baılanysyn tolyq qamtamasyz etýge múmkindik beretinin aıtty.
Munymen birge jaqynda Armenııa men AQSh TRIPP jobasy aıasynda birlesken kompanııa qurýǵa nıetti ekenin jazyp edik.
