Shanhaı men Almaty dostas qala atandy

ASTANA. KAZINFORM - «Ortalyq Azııa – Qytaı» sammıtinde Shanhaı men Qazaqstannyń Almaty qalasy dostyq qarym-qatynas ornatý týraly kelisimge qol qoıyp, resmı túrde dostas qalaǵa aınaldy, dep habarlaıdy qytaılyq «Halyq gazeti».

Osy ýaqytqa deıin Qytaı men Ortalyq Azııa elderi arasyndaǵy dos qalalardyń sany 100-den asty. Joba sammıt nátıjeleriniń tizimine engizilip, jarııalandy. Eki qala shilde aıynan bastap tikeleı reısterdi iske qosady.

Ortalyq Azııa men Qytaı arasyndaǵy taýar aınalymy 5 aıda rekordtyq deńgeıge jetti.

Qańtar men mamyr aralyǵynda Qytaı men Ortalyq Azııanyń Qazaqstan, Qyrǵyzstan, Tájikstan, Túrikmenstan jáne Ózbekstan sııaqty bes eliniń ımport jáne eksportynyń kólemi 10%-ǵa ósip, 39,8 mıllıard AQSh dollaryn qurady. Bul – rekordtyq kórsetkish sanalady.