Armenııa Premer-mınıstri: Qazaqstan – biz úshin óte mańyzdy el

ASTANA. KAZINFORM –Armenııa Premer-mınıstri Nıkol Pashınıan Memleket basshysy Qasym-Jomart Toqaevpen kelissózderden keıingi brıfıngte armıan tarapy yntymaqtastyqtyń barlyq baǵytyn keńeıtýge daıyn ekenin rastady.

– Qazaqstan – biz úshin óte mańyzdy el. Óıtkeni syn sátinde Armenııa men Ázerbaıjannyń syrtqy ister mınıstrleri Almatyda kezdesti. Bul biz úshin óte mańyzdy bolatyn. Armenııa men Ázerbaıjandaǵy beıbitshiliktiń Almaty deklaratsııasyna negizdeletini barshaǵa málim. Onyń saıası jáne sımvoldyq máni zor. Osy resmı saparymnyń nátıjesinde Armenııa men Qazaqstan arasyndaǵy qarym-qatynas strategııalyq seriktestik deńgeıine kóterilgenine qýanyshtymyn. Bul óńirdegi yqpaldastyqtyń jańa dárejege jetkenin kórsetedi, – dedi Armenııa Premer-mınıstri.

Aıta keteıik, brıfıng barysynda Memleket basshysy Qasym-Jomart Toqaev Qazaqstan-Armenııa iskerlik keńesi eki jaqqa da tıimdi jobalardy júzege asyrýǵa tıistigin,  joǵary sapaly astyq ónimderin jáne basqa da taýarlardy turaqty túrde jetkizýge daıyn ekendigimizdi basa aıtty. 

Sondaı-aqQasym-Jomart Toqaev pen Nıkol Pashınıan kelissóz qorytyndysy boıynsha Birlesken málimdeme qabyldady.