Armenııa premer-mınıstri Serj Sargsıan otstavkaǵa ketti

ASTANA. QazAqparat - Jańa qyzmetke 17 sáýir kúni taǵaıyndalǵan Armenııa premer-mınıstri Serj Sargsıan otstavkaǵa ketýge ótinish berdi, dep habarlaıdy Armenpress .

Bul týraly dúısenbi kúni Armenııa úkimeti basshysynyń ózi aıtqan. 

«Qurmetti otandastar!  Barlyq Armenııa azamattary, aǵa býyn men jastar ókili qaryndastar men analar, aǵalar men iniler sizderge el basqarýshy adam retinde sońǵy sózimdi aıtamyn.

Nıkol Pashınıan durys qadam jasady. Men qatelesippin. Bul máseleniń birneshe sheshimi boldy, biraq men onyń eshqaısysyna barmaımyn. Bul men jasaıtyn nárse emes. Men el basshylyǵynan, ıaǵnı Armenııa premer-mınıstri laýazymynan  bas tartamyn. Kóshedegi halyq maǵan qarsylyq bildirýde. Men sizderdiń talaptaryńyzdy oryndaımyn. Biz ómir súrip jatqan elge beıbitshilik pen úılesim jáne qajetinshe aqyl-parasat  tileımin», - dedi  Serj Sargsıan.