Armenııa parlamentinde taǵy da depýtattar tóbelesti
EREVAN. KAZINFORM — Búgin Armenııa Ulttyq jınalysynyń májilis zalynda oppozıtsııa jáne bılik partııalary depýtattarynyń arasynda tóbeles boldy, dep habarlaıdy Kazinform agenttiginiń Erevandaǵy menshikti tilshisi.
Janjal «Azamattyq kelisim» bılik partııasynyń depýtaty Taron Chahoıannyń baıandamasy kezinde bastalǵan. ıAǵnı, onyń minberden oppozıtsııalyq «Kúshti Armenııa» fraktsııasynyń ókilderine qatysty aıtqan sózderi Narek Karapetıannyń narazylyǵyn týdyrdy. Osydan keıin depýtattar sóz talastyryp, onyń sońy tóbeleske ulasty.
Tıisinshe, Ulttyq jınalys tóraǵasy Rýben Rýbınıan úzilis jarııalap, tikeleı efır kórsetilimin toqtatty. Budan keıin tóbeles parlamenttiń dálizinde jalǵasqan.
Eske salaıyq, bul Armenııa parlamentinde bolǵan alǵashqy jaǵdaı emes. 6 qazanda da bılik jáne oppozıtsııa partııalarynyń depýtattary arasynda bolǵan kelispeýshiliktiń sońy tóbelespen aıaqtalǵan edi.
