Armenııa óz azamatyn Ýhannan evakýatsııalaýǵa kómek kórsetkeni úshin Qazaqstanǵa alǵys bildiredi

NUR-SULTAN. QazAqparat - Armenııa Syrtqy ister mınıstrligi Armenııa azamatyn QHR-daǵy Ýhan qalasynan evakýatsııalaýǵa kómek kórsetkeni úshin Qazaqstanǵa alǵys aıtty, dep habarlaıdy QazAqparat.

Armenııa SІM-i Qytaıdaǵy Ýhan qalasynda bolǵan Armenııa Respýblıkasynyń azamaty Sýsanna Agadjanıan Qazaqstanǵa evakýatsııalanǵany týraly aıtty. Armenııa Respýblıkasy baspasóz qyzmetiniń habarlaýynsha, Armenııa azamatshasyn Qazaqstanǵa evakýatsııalaý qazaqstandyq áriptestermen birlese jumys isteý nátıjesinde iske asqan.

«Qazaqstandaǵy bizdiń áriptestermen birlese jumys atqarýdyń nátıjesinde Ýhan qalasyndaǵy Armenııa azamatshasy Sýsanna Agadjanıan Qazaqstanǵa evakýatsııalandy. Qazaqstandyq seriktesterimizge Armenııanyń ótinishin jerde qaldyrmaı, ýaqtyly nazar aýdaryp, qoldaý bildirgenderi úshin kóp alǵys aıtamyz», - dep jazdy AR SІM baspasóz hatshysy Anna Nagdalıan.

Eske sala ketsek, Qazaqstan Respýblıkasynyń 83 azamaty Otanyna QR Densaýlyq saqtaý mınıstrliginiń Jedel medıtsınalyq kómek ulttyq úılestirý ortalyǵy arqyly jetkizildi, olardyń 80-i Ýhan qalasynda oqyp jatqan stýdentter boldy. Sonymen birge Qyrǵyz Respýblıkasy, Belarýs Respýblıkasy jáne Armenııa Respýblıkasynyń bılik organdarynyń ótinishi boıynsha ol memleketterdiń azamattary Ýhan qalasynan evakýatsııalandy.