Armenııa Ortalyq saılaý komıssııasy parlament saılaýynyń túpkilikti nátıjecin jarııalady
ASTANA. KAZINFORM — Armenııanyń Ortalyq saılaý komıssııasy parlament saılaýynyń sońǵy qorytyndylaryn jarııalady. Nátıjesinde «Azamattyq kelisim» partııasy jańa úkimet qurý múmkindigine ıe boldy, dep Kazinform agenttiginiń menshikti tilshisi jazdy.
Armenııa OSK málimetinshe, saılaýǵa 1 mıllıon 476 myń 769 adam qatysqan. Bul jalpy saılaýshylar sanynyń 58,9 paıyzyn quraıdy.
Daýys berýdiń túpkilikti nátıjesine sáıkes, Ulttyq jınalysqa kelesi saıası kúshter ótti:
-
«Azamattyq kelisim» partııasy – 49,745%;
-
«Kúshti Armenııa» blogy – 23,271%;
-
«Armenııa» blogy – 9,923%.
Al «Gúldengen Armenııa» partııasy daýystardy qaıta sanaý qorytyndysy boıynsha 3,989 paıyz daýys jınap, parlamentke ótý úshin belgilengen 4 paıyzdyq saılaý mejesinen óte almady.
Eske salsaq, Armenııada parlament saılaýy 7 maýsym kúni ótti. Aldyn ala qorytyndylar boıynsha eldiń premer-mınıstri Nıkol Pashınıan jetekshilik etetin «Azamattyq kelisim» partııasy jeńiske jetken bolatyn.
