Armenııa oppozıtsııasy narazylyq mıtıngisin ótkizdi
ASTANA. 3 tamyz. QazAqparat - Erevanda Táýelsizdik alańynda 2 tamyzda oppozıtsııanyń mıtıngisi ótti, oǵan 4 myńǵa jýyq adam qatysty.
Bul jóninde Lenta.rý Tert.am saıtyna silteme jasap habarlaıdy.
Soǵan qaramastan «Novostı-Armenııa» mıtıngke shyqqandardyń sany birneshe júzge ǵana jetti degen aqparat taratty.
Jınalǵandardyń aldynda oppozıtsııalyq Armenııa ulttyq kongresiniń (AUK) tóraǵasy, burynǵy Armenııa prezıdenti Levon Ter-Petrosıan sóz sóıledi. Panarmenian.net-tiń habarlaýynsha, ol el basshylyǵyn jaqyn aradaǵy eki aı ishinde parlamenttik jáne prezıdenttik saılaýdy merziminen buryn ótkizý máselesin tolyq sheshýge shaqyrdy. Ter-Petrosıannyń málimdeýinshe, eger bul talap oryndalmaǵan jaǵdaıda, AUK qazirgi prezıdent Serj Sargsıan men basqarýshy koalıtsııanyń otstavkaǵa ketýin talap etetin bolady. Sonymen qatar ol bılik pen oppozıtsııa arasyndaǵy beıresmı dıalog Armenııanyń saıası ómiri irgesindegi eń mańyzdy oqıǵa bolǵanyn aıtyp ótti. Ter-Petrosıannyń pikirinshe, el ishindegi ekijaqty dıalog, ásirese, Qarabaq qaqtyǵysy jaıyndaǵy kelissóz Armenııanyń halyqaralyq deńgeıiniń nyǵaıýyna yqpal etti.
