Armenııa modýldik atom elektr stantsııasyn salý múmkindigin qarastyryp jatyr

ASTANA. KAZINFORM – Armenııada modýldik atom elektr stantsııasy salynýy múmkin, dep habarlaıdy Kazinform agenttiginiń menshikti tilshisi.

Armenııa Respýblıkasynyń aýmaqtyq ákimshilik jáne ınfraqurylym mınıstri Davıd Hýdatıan bul týraly baspasóz máslıhatynda málimdedi. Ol atom elektr stantsııasynyń modeli boıynsha túpkilikti sheshim áli qabyldanǵan joq, biraq Reseı, AQSh, Qytaı, Ońtústik Koreıa jáne Frantsııanyń usynystary qazirdiń ózinde taldanyp jatqanyn málimdedi.

– Meniń oıymsha, model boıynsha sheshim bıyl nemese 2027 jyly qabyldanady, sondyqtan asyǵys shegim qabyldaýdyń qajeti joq. Tańdalǵan tehnologııaǵa baılanysty Armenııa qaısysymen jumys isteı beretini anyqtalady. Modýldik atom elektr stantsııalary áli keń taralǵan joq, sondyqtan qosymsha zertteýler qajet, ol qazirgi ýaqytta júrgizilip jatyr, - dep atap ótti mınıstr.

Buǵan deıin Japonııa álemdegi eń iri atom elektr stantsııasyn qaıta iske qosqany týraly habarlanǵan bolatyn.