Armenııa mindetti áskerı qyzmet merzimin qysqartpaq

ASTANA. KAZINFORM – Armenııa Qorǵanys mınıstrligi kelisimshart boıynsha qyzmet etetin jaýyngerler sanyn arttyryp, mindetti áskerı qyzmet merzimin qysqartýdy usyndy, dep habarlaıdy Kazinform agenttiginiń tilshisi.

Armenııa Respýblıkasynyń qorǵanys mınıstri Sýren Papıkıannyń aıtýynsha, úkimet baǵdarlamasy aıasynda bılik bes jyl ishinde kelisimshartshylar sanyn kóbeıtý arqyly mindetti qyzmet merzimin qysqartýǵa mindettelgen.

— Ekinshi qujat – armııany transformatsııalaý tujyrymdamasy, onda da osyndaı mindettemeler bar. Bul josparlaýdyń uzaq merzimdi ekenin kórsetedi dep oılaımyn, — dedi mınıstr.

Mınıstr eki jarym jyl buryn Armenııa parlamenti mindetti áskerı qyzmetten keıin Qorǵanys mınıstrligimen kelisimshart jasasýǵa múmkindik beretin zań qabyldaǵanyn eske saldy.

— Qazirgi ýaqytta «Otan qorǵaýshysy» baǵdarlamasy boıynsha kóptegen sarbaz óz taǵdyryn armııamen uzaq merzimge baılanystyrady. Bul san birneshe myń adamǵa jetti. Sondyqtan armııany qysqartamyz dep aıtý qısynsyz, — dedi Papıkıan.

Buǵan deıin Armenııada merdiń qamaýǵa alynýy tártipsizdikterge ulasqanyn jazǵanbyz.