Armenııa men Ulybrıtanııa qorǵanys salasyndaǵy yntymaqtastyq baǵdarlamasyna qol qoıdy

EREVAN. KAZINFORM – Londonda Armenııa jáne Ulybrıtanııanyń jaýapty vedomstvolary arasynda qorǵanys máseleleri boıynsha konsýltatsııalar ótti, dep habarlaıdy Kazinform agenttiginiń Erevandaǵy menshikti tilshisi.

Armenııa men Ulybrıtanııa qorǵanys salasyndaǵy yntymaqtastyq baǵdarlamasyna qol qoıdy
Foto: armenpress.am

Armenpress agenttiginiń habarlaýynsha, kezdesýde taraptar óńirlik jáne halyqaralyq qaýipsizdik máseleleri, sondaı-aq qorǵanys salasyndaǵy yntymaqtastyqtyń basym baǵyttaryn talqylady.

Konsýltatsııa qorytyndysy boıynsha Armenııa jáne Ulybrıtanııa Qorǵanys mınıstrlikteriniń jaýapty ókilderi 2026-2027 jyldarǵa arnalǵan qorǵanys salasyndaǵy yntymaqtastyq baǵdarlamasyna qol qoıdy.

Sonymen qatar kezdesý sońynda taraptar kelesi otrysty Erevanda ótkizýge ýaǵdalasty.

Eske salaıyq, buǵan deıin Armenııanyń Syrtqy ister jáne halyqaralyq saýda mınıstri Ararat Mırzoıan eldiń UQShU-ǵa qaıta oralýǵa nıetti emes ekenin málimdep edi.