Armenııa men Túrkııa dıplomatııalyq pasport ıelerinen vızalyq alymdy alyp tastaıdy
ASTANA. KAZINFORM – Armenııa men Túrkııa dıplomatııalyq, qyzmettik jáne arnaıy pasport ıeleri úshin vızalyq rejımdi jeńildetý týraly kelisimge keldi. Tıisti sheshim eki el arasyndaǵy qarym-qatynasty qalypqa keltirý protsesi aıasynda taǵaıyndalǵan arnaıy ókilderdiń kelissózderi barysynda qabyldanǵan, dep habarlaıdy Panarmenian.net.
Armenııanyń Syrtqy ister mınıstrligi daıyndaǵan joba negizdemesine sáıkes, taraptar ózara negizde memlekettik baj alynbaıtyn elektrondyq vızalar berý jóninde ýaǵdalasqan. Bul ózgeris 2026 jylǵy 1 qańtardan bastap kúshine enedi.
Málimetke sáıkes, elektrondyq vıza 21 kúnge deıingi merzimge beriledi jáne tek dıplomatııalyq, qyzmettik jáne arnaıy pasport ıelerine ǵana qoldanylady. Vızalyq alym mólsheri nól paıyz bolyp belgilengen.
Buǵan deıin Armenııada «Tramp baǵyty» jobasynyń qurylysy qashan bastalatyny habarlaǵan bolatyn.