Armenııa men Reseıden elge ákelingen kólikter jappaı tirkeledi
NUR-SULTAN. QazAqparat - Іshki ister mınıstri Erlan Turǵymbaev aldaǵy ýaqytta Armenııa men Reseıden keletin kólikterdi jappaı tirkeletinin málim etti, dep habarlaıdy QazAqparat tilshisi.
«Armenııa men Reseıden keletin kólikter boıynsha másele - shynynda da, óte mańyzdy suraq. Bizdiń aqparattyq júıelerde ol kólikter tirkelmegen. Biz olardy ákimshilik jaýapkershilikke tarta almaımyz. Biraq, bul baǵyttaǵy jumys júrgizilip jatyr. Kameralar boıynsha aldaǵy ýaqytta barlyq kólikter tirkeletin bolady. Sodan keıin biz olardy ákimshilik jaýapkershilikke tartamyz», - dedi Erlan Turǵymbaev halyqqa esep berý jıynynan keıin tilshilerdiń suraǵyna bergen jaýabynda.
Eske sala ketsek, osy jyldyń basynda Parlament Senatynyń jalpy otyrysynda bir top depýtat sońǵy kezde elimiz aýmaǵyna Reseı, Armenııa, Qyrǵyzstan elderinen kóptep jetkizilip jatqan eski kólikterge qatysty máseleni kótergen bolatyn. Depýtattardyń aıtýynsha, atalmysh elderden satyp ákelinip jatqan eski kólikter esh jerde tirkelmeı, jol erejesin buzýǵa ábden áýestenip ketkeni halyqty jáne quqyq qorǵaý organdaryn ábigerge salýda.
