Armenııa men Qyrǵyzstannyń kedendik tólemderin EAEO mólsherlemelerine ıntegratsııalaý týraly zań jobalary qaraldy

NUR-SULTAN. QazAqparat - Búgin Senatta Olga Perepechınanyń tóraǵalyq etýimen Qarjy jáne bıýdjet komıtetiniń keńeıtilgen otyrysy boldy, dep habarlaıdy QazAqparat.

Depýtattar «Armenııa Respýblıkasynyń 2014 jylǵy 29 mamyrda 2014 jylǵy 10 qazandaǵy Eýrazııalyq ekonomıkalyq odaq týraly kelisimge ózgerister engizý týraly hattamany ratıfıkatsııalaý týraly» jáne «Qyrǵyz Respýblıkasynyń 2014 jylǵy 29 mamyrdaǵy Eýrazııalyq ekonomıkalyq odaqqa enýi týraly kelisimine Eýrazııalyq ekonomıkalyq odaq zańnamasyna engizilgen jekelegen halyqaralyq sharttardy qoldanýdyń sharttary men ótpeli erejeleri týraly hattamany ratıfıkatsııalaý,Eýrazııalyq ekonomıkalyq odaq organdarynyń Qyrǵyz Respýblıkasynyń 2015 jylǵy 8 mamyrdaǵy 2014 jylǵy 29 mamyrdaǵy Eýrazııalyq ekonomıkalyq odaq týraly shartqa qosylýyna baılanysty aktileri» zań jobalaryn qarady.

Osy zań jobalary Armenııa men Qyrǵyzstandaǵy kedendik bajdardyń EAEO Biryńǵaı kedendik tarıfiniń stavkalaryna saı birtindep ıntegratsııalanýyna baǵyttalǵan.

Osyǵan baılanysty, asa sezimtal taýarlarǵa qatysty EAEO tarıfteri tolyq úılesýi úshin eki memlekettiń ótpeli kezeńi 1 jylǵa uzartylady.

Zań jobalary eki eldiń EAEO aıasyndaǵy saýda-ekonomıkalyq qatynastaryn jaqsartady.