Armenııa men Grýzııa shekarany delımıtatsııalaý kelissózderin qaıta jandandyrdy
EREVAN. KAZINFORM — Erevanda Armenııa men Grýzııanyń memlekettik shekarasyn delımıtatsııalaý jáne demarkatsııalaý máseleleri jónindegi komıssııanyń otyrysy ótti, dep habarlaıdy Kazinform agenttiginiń Erevandaǵy menshikti tilshisi.
Kezdesý Armenııa Syrtqy ister jáne halyqaralyq saýda mınıstriniń orynbasary Vaan Kostanıan men Grýzııa Syrtqy ister mınıstriniń orynbasary Lasha Darsalııanyń teń tóraǵalyǵymen ótti. Onyń barysynda taraptar komıssııa jumysynyń qaıta jandanýyn joǵary baǵalap, memlekettik shekarany delımıtatsııalaý máselesi eki el úshin de mańyzdy ekenin atap ótti.
Armenııanyń syrtqy saıası vedomstvosynan habarlaǵandaı, resmı Erevan men Tbılısı ózara syndarly dıalogty jalǵastyrý arqyly bul jumystardy tolyq aıaqtaýǵa múddeli.
Munymen birge kezdesý barysynda quqyqtyq bazaǵa qatysty máseleler, onyń ishinde buǵan deıin kelisilgen hattamalar jáne qosymsha sharalar legi talqylandy.
Qosa ketsek, taıaýda Dúnıejúzilik armıandar sammıtinde sóz sóılegen premer-mınıstr Nıkol Pashınıan Armenııa men Túrkııa taıaý jyldary dıplomatııalyq qarym-qatynas ornatatýǵa nıetti ekenin aıtty.
Buǵan deıin habarlaǵanymyzdaı, Armenııa úkimetiniń basshysy Nıkol Pashınıan eldiń Eýropa Odaǵyna kirýge 2027-2028 jyldary ótinish berýi múmkin ekenin málimdedi.