Armenııa men Ázerbaıjan shekaradaǵy temirjol ınfraqurylymyn jetildirýge kiristi
ASTANA. KAZINFORM — Armenııa men Ázerbaıjan mamandary eki el arasyndaǵy shekarada ornalasqan temirjol ınfraqurylymyn birlesip tekserdi.
Beısenbi kúni Armenııa men Ázerbaıjan ókilderi Erash — Sadarak shekaralyq ýchaskesindegi temirjol ınfraqurylymynyń jaǵdaıymen tanysty. Bul týraly Armenııanyń Aýmaqtyq basqarý jáne ınfraqurylym mınıstrliginiń baspasóz qyzmeti habarlady.
Habarlamada aıtylǵandaı, tekserý atalǵan ýchaskeniń ınfraqurylymdy qalpyna keltirýge arnalǵan tıisti keshendi is-sharalardy iske asyrý barysynda arnaıy temirjol qurylys tehnıkasynyń qozǵalysyn qamtamasyz etý úshin tehnıkalyq jaramdylyǵyn baǵalaý maqsatynda júrgizilgen. Tekserý barysynda taraptar osy ýchaskedegi temirjol ınfraqurylymynyń tehnıkalyq jaı-kúıin baǵalaý máseleleri boıynsha pikir almasty.
Sol kúni Armenııa premer-mınıstri Nıkol Pashınıan Erevanda ótken brıfıngte úkimettiń aımaqtaǵy kólik qatynas joldaryn buǵattan shyǵarý jónindegi kelisimge berik ustanymda ekenin málimdedi.
Eske sala ketsek, buǵan deıin Ázerbaıjan Armenııaǵa birneshe sottalǵan azamatty tapsyrdy.