Armenııa men Ázerbaıjan ózara terrıtorııalyq tutastyǵyn moıyndaý týraly kelisimge keldi

MÁSKEÝ. TASS – QazAqparat – Armenııa men Ázerbaıjan bir-biriniń terrıtorııalyq tutastyǵyn moıyndaý týraly kelisimge keldi. Bul týraly beısenbi kúni Joǵary Eýrazııalyq ekonomıkalyq keńestiń májilisinde sóılegen sózinde Armenııa premer-mınıstri Nıkol Pashınıan málim etti, dep habarlaıdy QazAqparat reseılik TASS agenttigine silteme jasap.

«Armenııa men Ázerbaıjannyń bir-biriniń terrıtorııalyq tutastyǵyn moıyndaý týraly kelisimge kelgenin rastaımyn. Osy rette biz ózara qarym-qatynastarymyzdy retteý baǵytynda jaqsy qadamdar jasap jatyrmyz deýge bolady»,-dedi Nıkol Pashınıan.

Premer sonymen qatar halyqaralyq tetikter aıasynda Taýly Qarabaq turǵyndarynyń quqyqtary men qaýipsizdigin qamtamasyz etý máselesine toqtaldy.

«Men jaqyn arada Baký men Stepanakartta ózara túsinistik jaǵdaıyndaǵy dıalog bastalady dep oılaımyn»,-dedi ol.

Nıkol Pashınıan dúısenbi kúni Erevanda ótken baspasóz máslıhatynda quramyna Taýly Qarabaq kiretin Ázerbaıjannyń terrıtorııalyq tutastyǵyn moıyndaıtynyn málimdedi. Alaıda ázerbaıjan tarapy armıan halqynyń qaýipsizdigin qamtamasyz etýi kerek.