Armenııa men Ázerbaıjan Qarabaqtaǵy jaǵdaı shıeleniskenin málimdedi
ASTANA. QazAqparat - Ázerbaıjan men Armenııanyń qorǵanys mınıstrlikteri sáýirdiń 1-inen 2-sine qaraǵan túni Qarabaq janjaly aımaǵynda jaǵdaı shuǵyl shıeleniskenin habarlady, dep jazady Bı-bı-sı.
Ázerbaıjan qorǵanys mınıstrligi, atap aıtqanda Armenııa qarýly kúshteri tarapynan oq atylyp jatqanyn málimdedi.
Óz kezeginde armıan áskerı vedomstvosy da Ázerbaıjan tarapynan shabýyl qımyldary bolǵanyn habarlady. Armenııa qorǵanys mınıstriniń baspasóz hatshysy armıan qarýly kúshteri de qarabaq janjaly aımaǵynda birqatar baǵyttarda qarsy shabýylǵa shyqqanyn habarlady.
Eki jaqtan da adam shyǵyny bar ekeni habarlanǵan.
Ázerbaıjan qorǵanys vedomstvosynyń baspasóz hatshysy taıaýdaǵy ýaqytta eki taraptyń túıisý jelisindegi jaǵdpaı týraly resmı málimdeme jasalatynyn aıtty.
Ázerbaıjan men Armenııa arasyndaǵy janjal 1988 jyly Taýly Qarabaq sebebinen bastaldy, armıandar kóbirek qonystanǵan Taýly Qarabaq avtonomııalyq oblysy Ázerbaıjan KSR-i quramynan shyǵatynyn málim etken bolatyn.
