Armenııa, Qyrǵyz nómerli kólikter tirkelmese qandaı jaza taǵaıyndalady
NUR-SULTAN. QazAqparat – Armenııa, Qyrǵyz Respýblıkasy, RF-dan ákelingen kólikterdi Qazaqstanda ýaqtyly tirkemegen jaǵdaıda qandaı jaýapkershilik qarastyrylǵan? Bul suraqqa QR ІІM Ákimshilik polıtsııa komıtetiniń ókili Aqtoty Boranova jaýap berdi, dep habarlaıdy QazAqparat tilshisi.
«Eger azamat zańdy bile tura talaptardy oryndamasa, onda tıisti shara qabyldanady. Bul jaǵdaıda Qazaqstan Respýblıkasynyń Ákimshilik quqyqbuzýshylyq týraly kodeksiniń 590-baby boıynsha ákimshilik shara qarastyrylǵan. Avtokólik aıypturaǵyna qoıylady. Kemshilik joıylǵanǵa deıin avtokólik turaqtan shyǵarylmaıdy», - dedi ol.
Ákimshilik polıtsııa komıteti ókiliniń aıtýynsha, osy másele keıingi úsh jyldan beri aıtylyp kele jatyr. Dese de, zańdy elemeý jaǵdaıy áli de bar.
Eske sala ketsek, keshe ІІM qazaqstandyqtardy sheteldik esepte turǵan kólikterdi tirkeýge shaqyrǵan bolatyn.
