Armenııa - Qazaqstan matchyna qazylyq jasaıtyn tóreshiler anyqtaldy
ASTANA. QazAqparat - Fýtboldan 2018 jyly ótetin álem chempıonatyna irikteý kezeńindegi Armenııa - Qazaqstan matchynda qazylyq jasaıtyn tóreshiler anyqtaldy, dep habarlaıdy QazAqparat tilshisi.
Atalmysh oıynnyń bas tóreshisi qyzmetine makedonııalyq Aleksandr Stavrev belgilendi. Oǵan qaptaldan otandastary Marıan Kırovskı men Deıan Kostadınov kómektesedi. Qosalqy qazy - Deıan ıAkımovskı.
Esterińizge sala ketsek, Armenııa men Qazaqstan arasyndaǵy match 26 naýryz kúni Erevanda ótedi.
Astana ýaqytymen saǵat 22:00-de bastalatyn oıyndy «Kazsport» arnasynan kórýge bolady.
