Armenııa Erevandaǵy «Kók meshitti» ıÝNESKO tizimine qosý úshin baryn salady- atalǵan eldiń Mádenıet mınıstri

ASTANA. 16 qańtar. QazAqparat - Armenııanyń Mádenıet mınıstri Asmık Pogosıan Erevandaǵy parsylardyń «Kók meshitin» ıÝNESKO tizimine qosý úshin baryn salatynyn aıtty. Bul týraly ol «Armıanpress» aqparattyq agenttigine málimdegen.

Pogosıan byltyrǵy jyldyń kúzinde Iranǵa jasaǵan sapary barysynda bylaı degen bolatyn: «Iran - armıandardyń shirkeýlerine, mektepterine jáne bilim berý, mádenı ortalyqtaryna tıisinshe jaqsy kóńil bólip otyrǵan álemdegi sanaýly memleketterdiń biri. Irandyqtar bizdiń eskerkishterdi óte jaqsy kútimmen ustap otyr».

muslim.kz saıtynyń jazýynsha, «Kók meshit» - Erevandaǵy musylmandardyń qulshylyq etetin jalǵyz oryn. Ári bul meshit Kavkaz aımaǵyndaǵy eń úlkeni.

«Kók meshit» 1766 jyly salynǵan bolatyn. Keńes ókimeti jyldarynda meshit Erevan qalasynyń mýzeıine aınaldy. Iran úkimeti 1996-1999 jyldary qulshylyq ornyn qalpyna keltirý jumystaryn júrgizgen.