Armenııa baǵaly metaldar eksportyna kvota engizdi
ASTANA. KAZINFORM — Armenııa baǵaly metaldar men baǵaly metaldarmen qaptalǵan buıymdardy eksporttaýǵa ýaqytsha kvota engizdi, dep habarlaıdy news.am.
4 jeltoqsanda Armenııada ótken úkimet otyrysynda qabyldanǵan sheshimge sáıkes, kvota alty aı boıy kúshinde bolady jáne úshinshi elderge jóneltilim kezinde qoldanylady.
Shekteýler zergerlik buıymdarǵa, sondaı-aq jergilikti qolónershiler jasaǵan altyn jáne kúmis ónimderine qatysty qoldanylady.
Qujat 5 jeltoqsanda kúshine enedi jáne 2026 jyldyń 5 maýsymyna deıin qoldanysta bolady.
Atalǵan shara syrtqy saýdany retteýge, eksporttyq operatsııalardyń ashyqtyǵyn arttyrýǵa jáne shıkizat pen daıyn zergerlik buıymdardyń elden tys baqylaýsyz eksportynyń aldyn alýǵa baǵyttalǵan.
Buǵan deıin Qyrǵyzstanda qara metall synyǵy men qaldyqtaryn eksporttaýǵa tyıym salynǵanyn jazǵan bolatynbyz.