Armenııa Ázerbaıjanǵa taýar eksporttaýǵa daıyndalyp jatyr
ASTANA. KAZINFORM — Armenııa premer-mınıstri Nıkol Pashınıan Ázerbaıjanǵa armenııalyq taýardy eksporttaýdy bastaýǵa daıyndyq júrip jatqanyn habarlady, dep habarlaıdy Armenpress.
Pashınıan bul málimdemeni úkimet otyrysynan keıingi brıfıngte eki el arasyndaǵy ózara saýda-sattyq bolashaǵy týraly suraqqa jaýap berý barysynda jasady.
— Ázerbaıjanmen ózara saýdanyń kún tártibi bar jáne jaqyn arada Armenııadan Ázerbaıjanǵa eksport bastalady, — dedi premer-mınıstr.
Alaıda, Pashınıan naqty qandaı taýar týraly sóz bolyp jatqanyn jáne alǵashqy jetkizilimder qashan bolýy múmkin ekenin naqtylamady.
Onyń aıtýynsha, qazirgi ýaqytta eki el arasyndaǵy saýda Ázerbaıjan-Armenııa baǵytynda damyp keledi.
2026 jyldyń qańtarynda Nıkol Pashınıan Armenııa men Ázerbaıjan ózara saýda úshin áleýetti taýarlar tizimin almasqanyn habarlaǵan.
Bastapqyda Ázerbaıjan Armenııaǵa benzın men dızel otynyn jetkizýge mindettendi.
Aıta keteıik, buǵan deıin Ázerbaıjan Armenııany halyqaralyq ınternet-trafık tranzıtimen qamtamasyz etýge kelisken.
