Armenııa 4 aıǵa karantın jarııalady
EREVAN. QazAqparat – Armenııada 2021 jyldyń 11 qańtaryna deıin karantın jarııalandy, dep habarlaıdy QazAqparat Armenpress saıtyna silteme jasap.
Armenııa úkimetiniń sheshimimen 2020 jyldyń 11 qyrkúıegi saǵat 17:00-den 2021 jyldyń 11 qańtary saǵat 17:00-ge deıin búkil el boıynsha karantın jarııalandy.
Málim etilgendeı, el Úkimeti búkil álemde COVID-19 ınfektsııasyna qatysty epıdemıologııalyq ahýal kúrdeli bolyp qalyp otyrǵanyn, Armenııa Respýblıkasynda indet keńinen taralǵanyn, sondaı-aq DDU-nyń koronavırýstyń ekinshi tolqyny jónindegi eskertýin nazarǵa ala otyryp, aldyn alý sharalaryn ótkizý jáne halyq densaýlyǵyn qorǵaý maqsatynda osyndaı sheshim qabyldaǵan.
«Bul sheshim jarııalanǵan sátten bastap kúshine enedi», – delingen habarlamada.
