Armen Sarkısıan: Nursultan Nazarbaev Qazaqstannyń bolashaǵy úshin jaýapkershilikti óz moınyna aldy

NUR-SULTAN. QazAqparat - Qazaqstannyń Tuńǵysh Prezıdenti Armenııa Respýblıkasynyń Prezıdenti Armen Sarkısıanmen telefon arqyly sóılesti, dep habarlaıdy QazAqparat Elbasynyń resmı saıtyna silteme jasap.

Armenııa Prezıdenti Elbasyn kele jatqan 80 jyldyq mereıtoıymen quttyqtap, zor densaýlyq, uzaq ǵumyr, Qazaqstan halqynyń ıgiligi jolynda ári qaraı da belsene jáne jan-jaqty qyzmet atqara berýin tiledi.

Armen Sarkısıan tarıhtyń eń qıyn ári sheshýshi kezeńinde Tuńǵysh Prezıdent Nursultan Nazarbaevtyń Qazaqstannyń bolashaǵy úshin jaýapkershilikti óz moınyna alýy taǵdyrsheshti mańyzǵa ıe ekenin atap ótti.

Elbasy Armenııa Prezıdentine jyly lebizi úshin alǵysyn bildirip, eki el arasyndaǵy qatynastardy odan ári nyǵaıtýdyń mańyzdylyǵyna nazar aýdardy.

Telefon arqyly sóılesýge Armenııa tarapy bastamashy boldy.