«Armanyńa jaqynda» fýtbol týrnıriniń jeńimpazdary Barselonaǵa saıahat jasaıdy
ALMATY. 16 sáýir. QazAqparat - Búgin Almatyda jetim balalar men ata-anasynyń qamqorlyǵynsyz qalǵan balalar arasynda fýtboldan «Armanyńa jaqynda» respýblıkalyq týrnıri ótedi.
Bul básekeni «Nur Otan» HDP, Bilim jáne ǵylym mınıstrliginiń Balalar quqyqtaryn qorǵaý komıteti jáne týrnırǵa qatysýshy oblystar men qalalar ákimshilikteriniń qoldaýymen «Baýyrjan» qaıyrymdylyq qory uıymdastyryp otyr.
Balalar úıleriniń 11 men 16 jas aralyǵyndaǵy tárbıelenýshileri arasyndaǵy atalmysh jarysqa Almaty, Astana, Qaraǵandy, Aqtaý, Atyraý qalalary men Aqmola, Qostanaı, Pavlodar, Jambyl, Ońtústik jáne Shyǵys Qazaqstan oblystarynan 18 komanda qatyspaq. Al úzdik shyqqan komanda Ispanııanyń Barselona qalasyna saıahat jasaýǵa múmkindik alady.
Jalpy qazirgi tańda Qazaqstanda 16 myńnan astam jetim balalar men ata-ana qamqorlyǵynsyz qalǵan balalar bar. «Baýyrjan» qaıyrymdylyq qory uıymdastyryp otyrǵan bul joba balalardyń densaýlyǵyn nyǵaıtyp qana qoımaı, bolashaqqa degen senimin nyǵaıtady.
