Armanym — ózge ult ókilderine qazaq tilin úıretý - Mılana Tarasova
Búginde Mılana Tarasova ýnıversıtettegi oqýynan bólek, Kókshetaýdaǵy «Qoǵamdyq kelisim» mekemesiniń janyndaǵy Memlekettik tildi nasıhattaý jáne damytý ortalyǵynda jumys isteıdi. Onyń qazaq tiline degen mahabaty ómirin ózgertip, maqsatyna jetelegen.
«Armanym — elimizde turyp jatqan ózge ult ókilderine qazaq tilin úıretý. Men bala kezden muǵalim bolýdy armandap óstim. Ásirese, qazaq tiline degen mahabatym erekshe boldy. Sol arman men tilge degen mahabatym meni adastyrmaı, pedagogıka salasyna alyp keldi. Osy maqsatta Kókshetaýda joǵary oqý ornyna «qazaq tili men ádebıeti» mamandyǵy boıynsha oqýǵa tústim. Qazirgi kezde, ýnıversıtettegi oqýymnan bólek, «Qoǵamdyq kelisim» mekemesiniń janyndaǵy Memlekettik tildi nasıhattaý jáne damytý ortalyǵynda qazaq tilin úıretetin kýrs ashyp, ózge ult ókilderine memlekettik tilde sabaq berip jatyrmyn. Biz Qazaqstanda turamyz, onda árbir adam ultyna qaramastan memlekettik tildi bilýge, qazaq halqynyń dástúrlerin qurmetteýge tıis», - deıdi Mılana Tarasova.
Sonymen birge, Mılana Qazaqstan halqy Assambleıasy Aqmola oblystyq fılıalynyń janynda qoǵamdyq jumystarǵa atsalysyp keledi.
Aıta ketsek, Kókshetaýda ardagerler arasynda shahmattan týrnır ótti.
