Armanym Kók týymyzdy Parıj tórinde jelbiretý - Karına Ibragımova
KÓKShETAÝ. KAZINFORM - QR eńbegi sińgen sport sheberi, qyzdar arasynda bokstan Azııa, álem chempıonattarynyń júldegeri Karına Ibragımova Parıj olımpıadasynda ulttyq qurmanynyń sapynda el namysyn qorǵaıdy. Sportshy Kazinform tilshisine tórt jylda bir keletin aıtýly dodaǵa daıyndyq barysy týraly aıtyp, syrymen bólisti.
«Olımpıadaǵa barý kez kelgen sportshy úshin úlken baqyt. Maǵan osyndaı baqyt mańdaıyma jazyp otyr. Árıne, sportshy úshin olımpıadaǵa qatysý men jaqsy nátıje kórsetý ekeýi eki bólek dúnıe. Jeńiske jetpeseń, erteń seniń qatysqanyńdy bári umytady. Ekinshi qaıtar osyndaı múmkindiktiń bolatyny da belgisiz. Al bıik tuǵyrǵa shyqsań, árıne, tarıhta, jankúıerleriniń esinde máńgi qalasyn. Men úshin bul olımpıada tarıhı sát. Armanym Kók týymyzdy Parıj tórinde jelbiretý», - dep oıymen bólisti boksshy qyz.
Aıtýynsha, Parıj olımpıadasynyń aldyndaǵy keshendi jattyǵý Almatydaǵy boks akademııasynda ótip jatyr.
«Bapkerim Aleksandr Vysotskıı Parıj olımpıadasy aldynda ǵylymı turǵyda osy salanyń mamandarymen kelisip, keńeıtilgen baǵdarlama jasady. Óz salmaǵymdaǵy Qazaqstan quramasy sapyndaǵy eń myqty qyzdarmen sparıng ótkizemin. Jalpy, jarys aldyndaǵy kóńil-kúıim jaqsy. Osy kúnge mańdaı ter tógip jetkenim ras. Bul rette maǵan únemi qoldaý bildirip kele jatqan ata-anama jáne jankúıerlerime alǵys aıtqym keledi. Boks qolǵabyn alǵash kıgizgen Petr Býlkaǵa da alǵysyz sheksiz. Al halyqaralyq jarystarǵa shyǵaryp, jeńis tuǵyrynan kórinýime septigin tıgizip júrgen Aleksandr Vysotskıı ekendigin boks súıer qaýym jaqsy biledi. Ol kisi óz kásibine adal, tájirıbesi zor myqty bapker. Árbir tálimgeriniń daıyndyǵyna asa jaýapkershilikpen qaraıdy, bosańsý degen joq. Ásirese, jaýapty jarystardyń aldynda mańdaı terimizdi shyǵarady. Qarsylas boksshy qyzdardyń tehnıkalyq, fızıkalyq áleýetin Aleksandr aǵaı óte jaqsy biledi. Álemniń túkpir-túkpirinde sharshy alańǵa shyqqan kezimizde bolashaq qarsylasty zertteımiz. Bapkerdiń nusqaýyn jáne ár qarsylasqa qarsy daıyndaǵan taktıkasyn oryndaýǵa tyrysamyn. Bul ádis meniń sharshy alańda jeńiske jetýime septigin tıgizip keledi», - túıindedi Karına Ibragımova.
Aıta ketsek, budan buryn Olımpıada oıyndarynda el namysyn kimder qorǵaıtynyn jazǵan edik.
