Armandar oryndalady: Galysheva sporttaǵy jeńisti joly men aldaǵy jospary týraly aıtty

Osydan 12 jyl buryn ıÝlııa Kanadanyń nemese Reseıdiń quramasy sapynda oınaı alar edi nemese sportpen múldem qosh aıtysýy múmkin edi. Qazaqstannyń táýelsizdik dáýirinde, ásirese frıstaıl-mogýlde eń kórnekti jetistikterimen tanylǵan ıÝlııa Galysheva 2026 jyly sporttyq mansabyn aıaqtady.

ıÝlııa týǵan qalasy Óskemen qalasynda 5 jasynan bastap sportpen aınalysa bastady. Alǵashynda ony bı úıirmesine bergen, biraq úırenýge qulyqty bolmaǵannan keıin ustazdary da onymen jumys isteýdi jón dep sanamaǵan. ıÝlııanyń fýtboldaǵy mansaby da bastalmaı jatyp erte aıaqtalǵan. Esesine frıstaıl-mogýl oǵan erekshe unaǵan. 

ıÝlııa Galyshevanyń halyqaralyq jarystardaǵy debıýti 2006 jyldyń 8 naýryzynda Reseıde Eýropa kýbogy jarystarynda bastaldy. Onda 13 jasar ıÝlııa eresek sportshylarmen jarysyp, olardyń kópshiligin jeńip, qorytyndy kórsetkishter tiziminde alǵashqy jıyrmalyqqa endi. Al 2007 jyly 14 jasynda ıÝlııa Italııadaǵy eresekter arasyndaǵy álem chempıonatyna alǵash qatysyp, 26 qatysýshynyń ishinde 21 jáne 22 oryndardy ıelendi.

Galysheva Eýropa kýbogyndaǵy alǵashqy jeńisine 2008 jyly qol jetkizdi. 15 jasar ıÝlııa Shveıtsarııadaǵy eresekter kezeńinde jeke jáne parallel mogýlde altyn medal jeńip aldy. 2008 jyldyń jeltoqsanynan beri ol eresekter arasyndaǵy álem kýbogyna qatysyp keldi, al 2010 jyly 17 jasynda alǵash ret qysqy Olımpıada oıyndaryna shyǵyp, 11-oryn aldy.

2010-2011 jylǵy maýsym Galyshevanyń esinde úlken jeńisterimen qaldy. Birinshi álem kýbogy kezeńindegi altyn, jastar arasyndaǵy (20 jasqa deıin) álem chempıonaty tıtýly, Almatydaǵy qysqy Azııa oıyndarynyń eki altyn medali – bir-aq jylda jetken jetistikter. 2012 jyly Galysheva jastar arasyndaǵy álem chempıonatynda altyn men qola medal aldy.

2014 jylǵy qysqy Olımpıadaǵa ıÝlııa medal úmitkeri retinde keldi. Júldege talasyn Galysheva álem kýbogy kezeńderindegi medaldarymen nyǵaıtty. Onyń kúshin basqa komandalar da baıqady. Sol komandalar Sochı-2014 qysqy Olımpıadasy kezinde óz sportshylarynyń medaldyq múmkindikterine qatty alańdap, Galyshevanyń 2014 jylǵy Olımpıadadaǵy frıstaıl-mogýl medalin Qazaqstanǵa ákelýine kedergi jasaý úshin baryn saldy. 

2014 jylǵy qysqy Olımpıadaǵa ıÝlııa Galysheva medalǵa úmitker retinde bardy. Bul ornyn sportshy álem kýbogy kezeńderindegi medaldarymen nyǵaıtqan edi. ıÝlııanyń sheberligin basqa komandalar da baıqap, ásirese Sochıde ótken Olımpıadada óz sportshylarynyń medal alý múmkindikterine qatty alańdaǵan. Sol sebepti olar 2014 jylǵy Olımpıadadaǵy frıstaıl-mogýl medalin ıÝlııanyń Qazaqstanǵa áketýine kedergi jasaýǵa tyrysqan kórinedi. 

– Sochıdegi Olımpıadaǵa bir aı qalǵanda maǵan Kanadadan usynys tústi. Olar tipti maǵan kanadalyq pasport berýge daıyn boldy. Sosyn Reseı de azamattyǵyn usyndy. Kórip turǵandaryńyzdaı, men kelispedim. Ózim árdaıym tek Qazaqstan úshin, meni ósirgen, jetistikterim úshin qaryzdar elim úshin jarystym. Sebebi Qazaqstan – meniń Otanym, - deıdi ıÝlııa Galysheva.

2014 jylǵy Olımpıadada tóreshiler ıÝlııany fınalǵa ótkizbeı, 7-orynǵa qoıdy (fınalǵa tek 6 sportshy shyǵa alady). Sonda sportshy renjip, kóz jasyna erik berip, sporttan múldem ketetinin málimdedi. Osylaısha Sochı Olımpıadasyndaǵy sátsizdik álemdik frıstaıl sportynan eń daryndy sportshylardyń birinen aıyra jazdady. Al qazaqstandyq shańǵy frıstaıly tarıhı jetistikterinen qur qalar edi. 

Ýaqyt óte kele, sol daýly Olımpıadadaǵy sátsizdik umytyla bastady, jankúıerler de ıÝlııa Galyshevany jarystarda qaıta kórmeıtinine kóndikkendeı edi. Áıtse de 2014 jyldyń jeltoqsanynda Fınlıandııadaǵy Rýke kýrortynda parallel mogýl boıynsha álem kýbogynda ıÝlııa jeńiske jetti. Keıin belgili bolǵandaı, ıÝlııa mansabyna kóp ózgeris engizipti. Jańa Olımpıada tsıklinde sportshy ulttyq quramadan bólek jattyǵa bastaǵan, bapker retinde Elena Krýglyhınanyń kómegine júgingen. 

Bir suhbatynda sportshy sol jyldary quramadaǵy jattyǵý tásili, protsess pen keste oǵan tolyq sáıkes kelmegenin aıtqan. Al Elena Krýglyhına onyń jeke áleýeti eskerilgen jańa zamanaýı baǵdarlama usynǵan. Bul ıÝlııanyń mansaby men búkil qazaqstandyq frıstaıl-mogýl úshin betburys kezeńi boldy.

2015 jyly quramadan bólek daıyndalǵan ıÝlııa Qazaqstannyń frıstaıl-mogýl tarıhynda alǵash ret eresekter arasyndaǵy álem chempıonatynda medal aldy. 2018 jylǵy Olımpıadaǵa da Elena Krýglyhınamen birge daıyndalyp, týǵan eline jalǵyz medaldi syılady. 2019 jyly ıÝlııa taǵy bir armanyn oryndap, eresekter arasyndaǵy álem chempıonatynyń jeńimpazy atandy.

Tutas sporttyq mansabynda Galysheva eresekter arasyndaǵy álem chempıonattarynan 4 medal jeńip alǵan – bir altyn (2019 jyl), eki kúmis (2017 jáne 2021 jyldar) jáne bir qola (2015 jyl). Sondaı-aq jastar arasyndaǵy úsh álem chempıonatynan eki altyn jáne bir qola medal ıelendi. Degenmen eń qymbat jetistigi retinde ıÝlııa 2018 jylǵy qysqy Olımpıadadaǵy qola medaldy aıtady. Árıne, odan da kóp medal alýǵa múmkindigi boldy, biraq sáti túspedi.
2022 jylǵy Beıjiń Olımpıadasyna daıyndyq karantın shekteýlerimen tuspa-tus kelip, óte qıyn ótken. Sondaǵy jarys aldynda ıÝlııanyń PTR-testinen COVID-19 anyqtaldy. Oǵan qaramastan, sportshy sońǵy sátte Beıjińge barýǵa ruqsat aldy jáne ekinshi irikteýge úlgerdi, biraq trassany synap kórýge jáne klımatqa beıimdelýge eń mańyzdy kúnderin ótkizip aldy. Nátıjesinde tek 11-oryndy qanaǵat tutty. 

Beıjińnen keıin ıÝlııa tizesine ota jasatyp, sportqa qaıta oraldy. Ol qaıtadan álem kýbogy kezeńderinde kósh bastap, ózine de, barshaǵa da múmkin emes eshteńe joq ekenin dáleldedi.
Mansabyndaǵy besinshi Olımpıadasynda, 2026 jyly Italııada ıÝlııa Galysheva jeke jáne parallel mogýlda tıisinshe 14 jáne 13-oryndarǵa ıe boldy. Qazaqstan quramasynyń barlyq frıstaıl-mogýl sportshylarynyń 2026 jylǵy Olımpıadaǵa daıyndyǵy kúrdeli boldy. 2019 jyldan qazirgi kúnge deıin quramanyń bas bapkeri bolyp júrgen Elena Krýglyhına da bul Olımpıada óz mansabyndaǵy eń nashar kezeń bolǵanyn atap ótti.

– Men bul maýsymdy mansabymdaǵy eń nashar kezeń dep baǵalaımyn. Álem kýbogynyń kóptegen kezeńi toqtatyldy, tehnıkalyq daıyndyqty burynǵydaı tez jetildirý qıyn boldy. Sebebi Qazaqstan quramasynyń qar ústinde daıyndalýyna bir aı ǵana ýaqyty bar. Al biz ádette jarys maýsymy bastalǵanda qýyp jetemiz. Biraq osy joly jarystardyń jıi toqtatylýyna baılanysty bári basqasha boldy, - dep suhbat berdi Elena Krýglyhına Kazinform tilshisine.

Qar ústindegi jattyǵý qıyndyqtaryna qaramastan, Qazaqstan komandasy óz deńgeıin kórsetti. Al ıÝlııa Galyshevanyń ańyzǵa aınalǵan qazaqstandyq sekirýin – shańǵysyn ustap, alǵa salto jasaýyn (front flip big grab – FG) 2016/17 maýsymynan beri eshkim qaıtalaı alǵan joq. Eger qardaǵy daıyndyqqa kedergi bolmasa, ıÝlııa da, basqa qazaqstandyq frıstaıl-mogýl sportshylary da 2026 jylǵy Olımpıadada áldeqaıda joǵary nátıje kórsetetin edi.

– Biz akrobatıka (sekirý) boıynsha úzdik komandalardyń birimiz, biraq joǵary baǵa alý úshin tehnıkaǵa kóbirek nazar aýdarý qajet. Al bul jazda qar ústinde kóbirek jattyǵý kerek degen sóz. Akrobatıka batýtta, sýdaǵy tramplınde jattyǵylady, biraq mogýl tehnıkasyn tek qar ústinde jetildirýge bolady, - dep túsindirdi E. Krýglyhına.

ıÝlııa Galyshevanyń sportshy retinde jeńgen sońǵy medaldary – 2026 jylǵy Qazaqstan chempıonatyndaǵy eki altyn boldy. Jarys 30-31 naýryzda Shyǵys Qazaqstan oblysynda ótti. Tanymal sportshy jas sportshylarmen birge óz alańyna shyǵyp, óz kúshin synap, bolashaq býyndy yntalandyrdy. Birinshi kúni jeke mogýlda júlde taqtasyna ıÝlııamen birge Aıaýlym Ámirenova (kúmis) jáne Anastasııa Gorodko (qola) kóterildi. Ekinshi kúni parallel mogýl fınalynda ıÝ. Galysheva jergilikti frıstaıl-mogýldyń jas juldyzy Anastasııa Gorodkony jeńdi, qola medaldi Aıaýlym Ámirenova aldy.

– Men úshin eń mańyzdy marapat – Olımpıada medali. Ol tek men úshin emes, búkil Qazaqstan úshin de úlken mánge ıe. Biraq eshbir medal ońaılyqpen kelmeıdi. Kásibı sportta sportshy alǵan árbir jetistik – úlken eńbek pen ony qorshaǵan adamdardyń qosqan úlesiniń nátıjesi, - dedi ıÝlııa Galysheva Kazinform tilshisine bergen suhbatynda. 

Óz mansabyn qorytyndylaı kele ıÝlııa eshteńege ókinbeıtinin aıtty.

– Men óz mansabymdaǵy barlyq nársege rızamyn – jeńisterime de, jeńilisterime de. Qatelikterden sabaq alyp, nátıjege jettim. Týra osy joldan qaıta ótý múmkindigi berilse, oılanbastan keliser em, - dedi ıÝ.Galysheva.

Qazir sheteldegi uzaq oqý-jattyǵý jıyndary artta qalǵan soń, sportshynyń basqa jumystarǵa da ýaqyty bar. ıÝlııa áli de bolashaq josparyn naqtylamaǵanyn aıtty.

– Qazir tek demalyp alǵandy jón kórip otyrmyn. Bapker bolý týraly áli oılanbadym, biraq komandaǵa kómegim qajet bolsa, men odan bas tartpaımyn, - dep túıindedi ıÝlııa Galysheva.

Budan buryn 2018 jylǵy Phenchhan (Ońtústik Koreıa) qysqy Olımpıada oıyndarynyń qola júldegeri ıÝlııa Galysheva Italııada ótken XXV qysqy Olımpıada oıyndaryndaǵy jarys jolyn aıaqtaǵannan keıin sporttyq mansabyna qatysty suraqqa jaýap bergen edi.