«Armandar álemi»: Astanada «Tilek aǵashy» ornatyldy

ASTANA. KAZINFORM – Astananyń Esil aýdanyndaǵy «Kerýen» saýda ortalyǵynda «Armandar álemi» atty erekshe «Tilek aǵashy» ornatyldy, dep habarlaıdy elorda ákimdiginiń resmı saıty.

Meıirimdilik pen qaıyrymdylyqty dáripteýge baǵyttalǵan bul aǵash butaqtaryna balalardyń tilekteri jazylǵan QR-kodtar ilingen. Ony skanerleý arqyly kez kelgen adam Kámeletke tolmaǵandardy beıimdeý ortalyǵynda tárbıelenip jatqan balalardyń tizimimen tanysyp, bir balanyń armanyn oryndap, syılyq syılaı alady.

Uıymdastyrýshylardyń aıtýynsha, aktsııanyń basty maqsaty – qoǵamdy ózara kómek pen qamqorlyqqa shaqyrý.

– Mundaǵy árbir oryndalǵan tilek balaǵa qýanysh syılap qana qoımaı, onyń jaqsylyqqa degen senimin arttyrady. Sondaı-aq, Tsıfrlandyrý jyly aıasynda joba bıyl jańa formatta júzege asyp jatr. Buryn tilekter qaǵazǵa jazylyp ilinse, qazir olar zamanǵa saı ázirlenip, QR-kod arqyly usynylady. Osylaısha qaıyrymdylyqqa qatysýdy barynsha yńǵaıly ári qoljetimdi etti, - deıdi uıymdastyrýshy Esil aýdany ákiminiń baspasóz hatshysy Quralaı Serikqyzy.

Osyǵan deıin elordada qazaqtyń baıyrǵy ómir saltyn kórsetetin kórme ashylǵanyn habarlaǵanbyz.