Armanda ketken Aqerke týraly fılm túsirildi
ASTANA. QazAqparat - Jelide «ıA lıýblıý tebıa, Akerke!» atty jańa otandyq fılmniń treıleri paıda boldy. Shabyt ýnıversıtetiniń túlekteri túsirgen bul fılm dúnıeden erte ozǵan daryndy qyz Aqerke jaıly bolmaq. Bul - Nazııa Nazarbek pen Meıirim Arǵymbaevanyń alǵashqy jumysy jáne Aqerkeniń dostary bul týyndyny óz qarjylaryna túsirgen.
Aqqan aýrýyna ushyraǵan Aqerke Jurynbaevanyń taǵdyry Astana jurtshylyǵyna jaqsy tanys. Aqerkeniń aýyldaǵy ata-anasy qaterli aýrýǵa qarsy emge qajet qomaqty qarjyny taba almady jáne onyń kýrstastary - Qazaq ulttyq óner ýnıversıtetiniń stýdentteri qol ushyn sozǵan edi. Olar Astana qalasynda túrli kontsertter, jármeńkeler uıymdastyryp, taǵamdar satyp, 24 myń dollar jınap berdi. Áıtse de, ánshi bolýdy armandaǵan Aqerkeni ajal almaı qoımady. 21 jasynda órimdeı boıjetken ómirden ozdy.
Aqerkege sen týraly kıno túsiremiz dep ýáde bergen dostary óz sózderinde turdy. Fılm 2017 jyly 1 aqpanda Aqerkeniń týǵan qalasy Aqtóbede jurtshylyq nazaryna usynylady. Al 2 aqpannan bastap, Qazaqstannyń barsha kınoteatrlarynda kórsetiledi. Kórsetilimnen túsken barlyq qarajat qaterli isikpen aýyratyn balalarǵa kómek retinde jiberiledi.
