Arman Jumageldıevtiń sybaılasy Birikken Arab Ámirlikterinen ekstradıtsııalandy
ASTANA. KAZINFORM — Bas prokýratýra men Іshki ister mınıstrliginiń qyzmetkerleri Qazaqstannyń Birikken Arab Ámirlikterindegi elshiliginiń qoldaýymen Dýbaı qalasynan Arman Jumageldıevtiń qylmystyq tobynyń sybaılasy ekstradıtsııalandy.
Ol 2022 jylǵy 5-7 qańtar aralyǵynda Almaty qalasynda Jumageldıevtiń bandalyq quramynda jappaı tártipsizdikterge belsene qatysqan degen kúdikke ilindi.
Qylmystar jasalǵannan keıin kúdikti jasyrynǵan jáne shamamen úsh jyl boıy halyqaralyq izdeýde bolǵan, keıinnen Birikken Arab Ámirlikteri aýmaǵynda ustalǵan.
Qazirgi ýaqytta kúdikti Astana qalasyndaǵy tergeý ızolıatoryna qamaldy.
Oǵan taǵylǵan qylmystar boıynsha on jyldan on bes jylǵa deıin bas bostandyǵynan aıyrý jáne múlkin tárkileý jazasy kózdelgen.
Aıta ketelik Shymkentte «Dıkıı Armannyń» aınalasyndaǵy adamdar sottalǵan edi.
Eske salsaq qylmys áleminiń serkesi «Dıkıı Arman» 20 jylǵa sottalǵan edi.