Arman Júdebaev QR Mádenıet jáne aqparat vıtse-mınıstri qyzmetinen bosatyldy

ASTANA. KAZINFORM - Qazaqstan Respýblıkasy Úkimetiniń qaýlysymen Arman Ádilhanuly Júdebaev basqa jumysqa aýysýyna baılanysty QR mádenıet jáne aqparat vıtse-mınıstri qyzmetinen bosatyldy. Bul týraly QR Úkimetiniń baspasóz qyzmeti habarlaıdy.

Arman Júdebaev 1986 jyly Almaty oblysynda dúnıege kelgen.

Qurmanǵazy atyndaǵy Qazaq ulttyq konservatorııasyn támamdaǵan.

Eńbek jolyn 2006 jyly «Almaty áýenderi» MKQK-da ártis-aspapshy qyzmetinen bastaǵan.

2007-2009 jyldary — «Qurmanǵazy atyndaǵy Qazaq memlekettik akademııalyq halyq aspaptary orkestri» RMQK dombyra tobynyń ártisi.

2009-2011 jyldary — «Qurmanǵazy atyndaǵy Qazaq ulttyq konservatorııasy» RMM-niń dırıjerlaý kafedrasynyń oqytýshysy.

2011-2013 jyldary — «Qurmanǵazy atyndaǵy Qazaq ulttyq konservatorııasy» RMM-de dombyra kafedrasynyń oqytýshysy, aǵa oqytýshysy.

2013-2018 jyldary — «Qurmanǵazy atyndaǵy Qazaq memlekettik akademııalyq halyq aspaptary orkestri» RMQK bas dırıjeri.

2018-2023 jyldary — «Qurmanǵazy atyndaǵy Qazaq ulttyq konservatorııasy» RMM rektory.

2023 jylǵy mamyr-shilde aralyǵy — QR Mádenıet jáne sport mınıstrligi Mádenıet komıtetiniń tóraǵasy.

2023 j. — QR mádenıet jáne sport vıtse-mınıstri.

2023 jyldyń qarasha aıynan bastap qazirgi ýaqytqa deıin QR mádenıet jáne aqparat vıtse-mınıstri qyzmetin atqardy.