Arman Shoraev: «Kaspıı Barysyn» ótkizý josparymyzda bar
ASTANA. QazAqparat - «Qazaqstan Barysy» qorynyń tóraǵasy Arman Shoraev Qazaq kúresiniń órisin keńeıtý baǵytyndaǵy josparlarymen bólisti, dep habarlaıdy QazAqparat tilshisi.
«Amandyq bolsa, týrnırdi (Qazaqstan Barysyn - avt.) basqa qalalarda da ótkizetin oılarymyz bar. Jalpy, ózderińiz biletindeı, bizdiń «Álem Barysy» jobamyz ótip jatyr. Ol jobamyzdy mysaly Pavlodar qalasynda ótkizgen bolatynbyz. Ony Almaty qalasynda bıyl jeltoqsannyń birinde ótkizeıik dep otyrmyz. «Eýrazııa Barysynyń» da barynan habardarsyzdar. Amandyq bolsa, Taldyqorǵanda sol týrnırdi ótkizeıik degen josparymyz bar. Jalpy, bizdiń oblystardyń ákimderi «biz nege ótkizbeımiz?» dep surap jatyr. Osy sebepti, sátin salsa Qazaq kúresiniń geografııasyn barynsha keńeıtemiz. Taǵy Kaspıı teńiziniń jaǵasyndaǵy memleketterge arnalǵan «Kaspıı Barysy» degen joba dúnıege keletin shyǵar....», - deıdi ol.
Arman Shoraev jýyqta qazaq kúresinen Batýmıde ótken Eýropa chempıonatynyń ótkenin eske saldy.
«Halyqaralyq Qazaq kúresi federatsııasynyń basshysy Qanat Aldabergenulynyń arqasynda Eýropa chempıonatyn ótkizdik. Osy kúzde Azııa chempıonatyn ótkizý josparymyz bar», - dedi Arman Shoraev.
Eske sala ketsek, bıylǵy «Qazaqstan Barysy» týrnıri 1 shilde kúni elordadaǵy «Barys Arena» muz saraıynda ótedi. Osymen segizinshi ret ótetin bedeldi básekege elimizdiń 14 oblysy, Almaty jáne Astana qalalarynan jáne áskerıler arasynda irikteýden ótken 37 (eki balýan jaqynda Shymkent qalasynan qosylyp otyr) úzdik balýan qatysady. Onyń ishinde byltyrǵy týrnırdiń jeńimpazy qatysýshylar sapyna irikteýsiz qosylady.
