Arman Shoraev qamaýǵa alyndy
ALMATY. QazAqparat – Arman Shoraev qamaýǵa alyndy. Bul týraly QazAqparat Polıtsııa departamentine silteme jasap habarlaıdy.
Arman Shoraevqa qatysty QR QK 274-babynyń 4-bólimimen Tótenshe jaǵdaı kezinde jalǵan aqparat taratty degen aıyp taǵylyp, qylmystyq is qozǵalǵan.
«Arman Shoraev áleýmettik jeli arqyly birneshe ret shyndyqqa saı kelmeıtin jalǵan aqparat taratqan. Ol óz áreketimen TJ kezinde qoǵamdyq tártipti buzyp, qoǵam men memlekettiń zań arqyly qorǵalatyn múddesine nuqsan keltirgen» delingen habarlamada.
Arman Shoraev Qaraǵandy qalasynyń aýmaǵynda QR QK 128-babyna sáıkes ustalyp, ýaqytsha ustaý ornyna qamaldy.
Tergeý jumystary jalǵasyp jatyr.
