Arman Shaqqalıev Magnum-dy reseılik ónimder jaýlap jatqany týraly dabyldarǵa jaýap berdi
Májilistegi saýda saıasatyn damytý máselelerine arnalǵan Úkimet saǵatynan keıin BAQ ókilderiniń saýalyna jaýap bergen Saýda jáne ıntegratsııa mınıstri Arman Shaqqalıev «Magnum» saýda jelisiniń sórelerin reseılik ónimder jaýlap jatqany týraly dabyldarǵa jaýap berdi, dep habarlaıdy Kazinform.
«Bólshek saýdadaǵy saýda jelelireniń úlesi 20%-dan aspaıdy. Magnum – qamtyǵan aýqymy óte úlken iri jeliniń biri. Jumyrtqa satýshylardyń mysalyn keltirip kóreıik, kóp jaǵdaıda taýardyń aqyrǵy baǵasy satýshy qosatyn ústeme qunǵa, syıaqy men retro-bonýstarǵa baılanysty. Jumyrtqanyń ózindik quny, jetkizý, saqtaý shyǵyny qansha bolatynyn jaıyp saldyq ta, saýda jelilerimen ústeme qundy 15%-dan asyrmaý kerektigin aıttyq. Al áleýmettik mańyzy bar azyq-túlik taýarlary boıynsha mundaı uǵym joq. Jumyrtqa baǵasy boıynsha búkil saýda jelilerimen memorandým bekitkenbiz. Qalǵan 19 túrli taýar boıynsha monıtorıng júrgizemiz», - dedi Arman Shaqqalıev.
Sondaı-aq, ol otandyq óndirýshilerdiń básekege qabilettiligin qoldaý úshin «Qarapaıym zattar» baǵdarlamasy boıynsha sýbsıdııa tólenetinin eske saldy.
«Astanada saýda jelisiniń 26 túri, úı astyndaǵy 2 myń dúken bar. Biz paıyzdyq mólsherleme men ónim assortımentin taldap qaradyq. Mysaly, bizdiń un reseılik unnan arzan. Ol jerde olıgarh, shaǵyn óndirýshi dep jikteý joq, bul naryq. Baǵa men sapa el kóńilinen shyǵyp tursa, saýda jelisi satýǵa alady», - dedi mınıstr.
