Arman Sábıtov Shymkent qalasy ákiminiń orynbasary boldy
ShYMKENT. KAZINFORM - Qazaqstan Prezıdenti Ákimshiliginiń kelisimimen jáne qala ákiminiń ókimine sáıkes, Shymkent qalasy ákiminiń orynbasary laýazymyna Arman Sábıtov taǵaıyndaldy.
Arman Sábıtuly 1984 jylǵy 20 sáýirde Ońtústik Qazaqstan oblysy, Shymkent qalasynda dúnıege kelgen. Bilimi joǵary.
Ál-Farabı atyndaǵy Qazaq Ulttyq ýnıversıtetin jáne «Qaztutyný» odaǵy Qaraǵandy ekonomıkalyq ýnıversıtetin bitirgen, mamandyǵy boıynsha biliktiligi - qarjy jáne nesıe, quqyqtaný: ekonomıka salasyn quqyqtyq retteý.
Eńbek jolyn 2004 jyly Almaty qalasynda «Azamataýdıt» JShS aýdıtordyń assıstenti bolyp bastaǵan.
Al 2008-2012 jyldary jeke sektorda basshylyq qyzmetter atqardy.
2011-2016 jyldary Almaty qalasy boıynsha Tekserý komıssııasynyń múshesi, 2016-2017 jyldary Ońtústik Qazaqstan oblysy ákimi apparaty basshysynyń orynbasary, 2017-2018 jyldary Ońtústik Qazaqstan oblysynyń ekonomıka jáne bıýdjettik josparlaý basqarmasynyń basshysy, 2018-2019 jyldary Túrkistan oblysynyń ekonomıka jáne bıýdjettik josparlaý basqarmasynyń basshysy boldy.
2019-2020 jyldary Qazaqstan Prezıdenti Ákimshiliginiń memlekettik ınspektory, 2020-2023 jyldary Túrkistan oblysy ákiminiń orynbasary laýazymdarynda eńbek etti.
2023 jyldyń maýsym aıynan bastap 2025 jyldyń 7 tamyzyna deıin Túrkistan oblysy Saıram aýdanynyń ákimi qyzmetin atqardy.
Aıta keteıik, budan buryn Shymkent qalasy ákiminiń birinshi orynbasary qyzmetine Aıdyn Kárimov taǵaıyndalǵanyn jazǵan bolatynbyz.