Arman Rysbek kásipqoı rıngtegi alǵashqy jeńisine qol jetkizdi
ASTANA. QazAqparat - Qazaqstandyq bylǵary qolǵap sheberi, orta salmaq ıesi Arman Rysbek kásipqoı rıngtegi karerasyn jeńispen bastady, dep habarlaıdy QazAqparat Sports.kz.
AQSh-tyń Florıda shtatyndaǵy Kıssımmı qalasynda ótken boks keshinde Arman amerıkalyq qarsylasy Djon Morhaýsty birinshi raýndta-aq nokaýtqa jiberdi. Jergilikti boksshy úshin de bul aıqas kásipqoı bokstaǵy debıýti edi. Ol buryn MMA-de óner kórsetken.
Buryn Rysbek «Astana Arlans» komandasynyń namysyn qorǵap júrdi, 2017 jyly onyń quramynda Búkilálemdik boks serııasynyń (WSB) chempıony atandy. Armannyń kásipqoı bokstaǵy debıýti erterek bolýy tıis edi, alaıda túrli sebepterge oraı, endi ǵana ótti.
