Arman Ospanovtyń tórt jylǵa sporttan shettetilgeni belgili boldy
ASTANA. QazAqparat - Arman Ospanov tórt jylǵa sporttan shettetilgeni belgili boldy, dep habarlaıdy QazAqparat tilshisi.
Keshe, 5 naýryz kúni WSOF birinshiligi óziniń 35-shi týrnırinde óner kórsetetin sportshylardyń tizimin jarııalaǵan bolatyn. Ókinishke qaraı, osy synda Arman Ospanov pen Stıven Rodrıgez arasyndaǵy jekpe-jek bul «fightcard-qa» enbeı qaldy.
Oǵan Arman Ospanovtyń osydan 1 jyl buryn dopıngpen ustalǵany sebep bolǵan.
Bul týraly WSOF basshysy Reı Sefo Insta-paraqshasynda resmı túrde jarııalady.
«Meniń nazaryma Arman Ospanovtyń budan 1 jyl buryn dopıngpen ustalǵany týraly aqparat jetkizildi. Arman 4 jylǵa sporttan shettetilgen, sol sebepten onymen kelisimshartymyzdy buzýǵa týra keldi», - dep jazdy Reı Sefo.
Esterińizge sala ketsek, 2015 jyldyń qarasha aıynda Arman Ospanov Marokko elinde ótken əskerı sambodan əlem birinshiligin qatarynan úshinshi ret utty. 2016 jyldyń jazynda FIAS antıdopıngtik agenttigi Armannyń qanynda dopıng tabylǵanyn jarııalap, ony sporttan 4 jylǵa (2019 jyldyń 4 jeltoqsanyna deıin) shettetkeni belgili boldy.
