Arman Ospanov AQSh-ta atoı salmaq
ASTANA. QazAqparat - Erejesiz jekpe-jekten qazaqtyń qaısar uly, kóptegen halyqaralyq týrnırlerdiń jeńimpazy Arman Ospanov AQSh-taǵy áıgili WSOF uıymymen kelisimshartqa otyrdy dep habarlaıdy, QazAqparat tilshisi.
«Suńqar» degen laqap atpen tanymal bolǵan baýyrymyz bir sport túrin ǵana emes, jaýyngerlik sambo, erejesiz jekpe-jek pen djıý-djıtsýdy da tereń meńgergen sportshy. Jaýyngerlik sambodan ótken álem chempıonatynyń úsh dúrkin chempıony atansa, djıý-djıtsýden Azııa birinshiliginde de birneshe márte jeńis tuǵyrynyń eń bıik satysynan kóringen. Al «Alash praıd» klýbynda erejesiz jekpe-jekten kóptegen asa iri halyqaralyq týrnırlerde top jardy. Ol 1989 jyldyń 7 jeltoqsanynda Ońtústik Qazaqstan oblysy Tóle bı aýdanynda dúnıege kelgen.
Arman Ospanov sport tabaldyryǵyn sambo men dzıýdodan bastap, keıin erejesiz jekpe-jekke bir jola bet burdy. Ol osyǵan deıin kóptegen jattyǵýlaryn AQSh-taǵy áıgili Greg Djeksonnyń zalynda jattyqqan bolatyn.
Endi, Ospanov AQSh-taǵy áıgili WSOF uıymymen kelisimshartqa otyrdy. Bul AQSh-taǵy eń bedeldi uıymdardyń biri. Búgingi tańda óziniń bedeli jaǵynan olar Bellator nusqasynan esh kem túspeıdi. Jáne de olardyń UFC men WSOF arasynda iskerlik jáne dostyq qarym-qatynas ornaǵan. Sondyqtan baýyrymyzdyń bul uıymǵa kelisimshartqa otyrýyndaǵy maqsaty osy uıymda óner kórsete júrip, óziniń myqtylyǵyn moıyndatý.
