Arman Qyryqbaev Mádenıet jáne aqparat mınıstrligin basqarady
ASTANA. KAZINFORM — Arman Qyryqbaev Mádenıet jáne aqparat mınıstri boldy.
Tıisti Jarlyqqa Prezıdent Qasym-Jomart Toqaev qol qoıdy.
— Arman Orazbaıuly Qyryqbaev Qazaqstan Respýblıkasynyń Mádenıet jáne aqparat mınıstri bolyp taǵaıyndalsyn, ol burynǵy atqarǵan laýazymynan bosatylsyn, — delingen qujatta.
Arman Qyryqbaev 1976 jyly Astana qalasynda týǵan.
1996 jyly Qazaq memlekettik basqarý akademııasyn (Narxoz University) «ekonomıst» mamandyǵy boıynsha, 2002 jyly Qazaqstan Respýblıkasy Syrtqy ister mınıstrliginiń Dıplomatııalyq akademııasyn «halyqaralyq qatynastar» mamandyǵy boıynsha bitirgen.
Eńbek jolyn 1996 jyly Qazaqstan Respýblıkasy Syrtqy ister mınıstrligi Táýelsiz Memleketter Dostastyǵy jáne Baltyq jaǵalaýy elderi basqarmasynyń referenti bolyp bastaǵan.
1997-2000 jyldary – Qazaqstan Respýblıkasynyń Ózbekstandaǵy Elshiliginiń attashesi, úshinshi hatshysy.
2002 jyly – Qazaqstan Respýblıkasy Syrtqy ister mınıstrliginiń ekinshi hatshysy.
2002-2005 jyldary – «AVE Korporatsııa» JAQ strategııa jáne monıtorıng departamentiniń dırektory.
2005-2006 jyldary – Almaty qalasy Medeý aýdany ákiminiń orynbasary, Almaty qalasy Jastar saıasatyn damytý memlekettik qorynyń dırektory.
2006-2008 jyldary – Mádenıet jáne aqparat mınıstrliginiń Qoǵamdyq-saıası jumys jáne qoǵammen baılanys departamentiniń dırektory.
2008-2010 jyldary – Qazaqstan Respýblıkasy Mádenıet jáne aqparat mınıstrligi Mádenıet komıtetiniń tóraǵasy.
2010-2012 jyldary – Qaraǵandy oblysy ákiminiń orynbasary.
2012-2013 jyldary – Qazaqstan Respýblıkasy Mádenıet jáne aqparat vıtse-mınıstri.
2014-2015 jyldary – «Nur Otan» partııasy Tóraǵasynyń birinshi orynbasarynyń keńesshisi.
2015-2019 jyldary – Almaty qalasy ákiminiń orynbasary.
2020-2022 jyldary – «Nur Otan» partııasynyń hatshysy.
2022 - 2024 jyldary – Almaty qalasy ákiminiń orynbasary.
2024-2025 jyldary – Qazaqstan Respýblıkasy Prezıdenti Ákimshiliginiń Kommýnıkatsııalar bóliminiń meńgerýshisi.
2025 jylǵy 25 aqpannan búgingen deıin Qazaqstan Respýblıkasy Prezıdentiniń ishki saıasat máseleleri jáne kommýnıkatsııalar jónindegi kómekshisi qyzmetin atqardy.
Eske salaıyq, buǵan deıin Dáýren Qosanov Qorǵanys mınıstri, Erjan Sádenov Іshki ister mınıstri, Ǵalymjan Qoıshybaev Premer-mınıstrdiń orynbasary — Úkimet Apparatynyń basshysy, Serik Jumanǵarın Premer-mınıstrdiń orynbasary — Ulttyq ekonomıka mınıstri, Jaslan Mádıev Jasandy ıntellekt jáne tsıfrlyq damý mınıstri, Nurlybek Nálibaev Premer-mınıstrdiń birinshi orynbasary, Qanat Bozymbaev Premer-mınıstrdiń orynbasary, Mádı Takıev Qarjy mınıstri, Nurlan Saýranbaev Kólik mınıstri, Erlan Sársembaev Ádilet mınıstri, Murat Muhanov Tótenshe jaǵdaılar mınıstri, Erlan Aqkenjenov Energetıka mınıstri, Ersaıyn Naǵaspaev Ónerkásip jáne qurylys mınıstri, Juldyz Súleımenova Oqý-aǵartý mınıstri, Arman Shaqqalıev Saýda jáne ıntegratsııa mınıstri, Nurjan Nurjigitov Sý resýrstary jáne ırrıgatsııa mınıstri, Aqmaral Álnazarova Densaýlyq saqtaý mınıstri, Álibek Qýantyrov Ekologııa jáne tabıǵı resýrstar mınıstri, Aıdarbek Saparov Aýyl sharýashylyǵy mınıstri, Asqarbek Ertaev Eńbek jáne halyqty áleýmettik qorǵaý mınıstri, Erbol Myrzabosynov Týrızm jáne sport mınıstri, Saıasat Nurbek Ǵylym jáne joǵary bilim mınıstri laýazymyna taǵaıyndalǵanyn habarlaǵanbyz.
