Arman Kenjeǵalıev Tsıfrlyq damý mınıstrliginiń apparat basshysy qyzmetinen ketti

Tsıfrlyq damý, ınnovatsııalar jáne aeroǵarysh ónerkásibi mınıstriniń buıryǵymen Arman Shoqanuly Kenjeǵalıev basqa jumysqa aýysýyna baılanysty Qazaqstan Respýblıkasy TsDIAÓM apparatynyń basshysy qyzmetinen bosatyldy. Bul týraly Kazinform Úkimettiń baspasóz qyzmetine silteme jasap habarlaıdy.

Arman Kenjeǵalıev 1981 jyly Soltústik Qazaqstan oblysynda dúnıege kelgen.

Qazaq gýmanıtarlyq-zań ýnıversıtetin, «Qaınar» ýnıversıtetin, Sheffıld ýnıversıtetin bitirgen.

Eńbek jolyn 1999 jyly kommertsııalyq uıymda zańger bolyp bastaǵan.

QR Ádilet mınıstrliginiń, QR Premer-Mınıstri Keńsesiniń qurylymynda túrli laýazymdar atqardy.

2021 jylǵy mamyrdan bastap qazirgi ýaqytqa deıin QR TsDIAÓM apparatynyń basshysy qyzmetin atqardy.