Arman Qashqynbekov: «Bolashaq» túlekterin memqyzmetke kóbirek tartý kerek

NUR-SULTAN. QazAqparat – Ulttyq qoǵamdyq senim keńesiniń múshesi Arman Qashqynbekov «Bolashaq» baǵdarlamasynyń túlekterin memlekettik qyzmetke, kvazımemlekettik sektorlarǵa, ulttyq kompanııalarǵa kóbirek tartýdy usyndy, dep habarlaıdy QazAqparat tilshisi.

«Meniń ózim «Bolashaq» baǵdarlamasynyń túlegimin. Osy rette óz usynysymdy bildirýge ruqsat etińizder. Jalpy «Bolashaq» baǵdarlamasyna 27 jyl toldy. Baǵdarlama – eldiń bıýdjettik kartochkasy ári táýelsizdik jyldary ishindegi erekshe serpindi jobalardyń biri bolyp sanalady. «Bolashaq» baǵdarlamasy boıynsha úzdik túlekterdi eldiń strategııalyq jáne taktıkalyq mindetterin oryndaý úshin memlekettik qyzmetke, kvazımemlekettik sektorlarǵa, ulttyq kompanııalarǵa kóbirek tartýdy usynamyn», - dedi ol Ulttyq keńestiń tórtinshi otyrysynda.

Arman Qashqynbekovtyń aıtýynsha, bul baǵyttaǵy jumys eldiń turaqty damýyna serpin beredi.

Eske sala ketsek, búgin Memleket basshysy Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy ótti. Shara barysynda memlekettik basqarý reformasy, áleýmettik jáne ekologııalyq máselelerdi sheshý, balalardyń quqyqtaryn qorǵaý, erekshe muqtajdyǵy bar adamdardy qoldaý máseleleri qaraldy.