«Arman qalam - Astana» balalar sýreti baıqaýy jarııalandy
Baıqaýdyń basty maqsaty jas býyndy patrıottyq turǵyda tárbıeleý, óz eli úshin maqtanysh sezimin qalyptastyrý, ortaq qundylyqtarǵa jáne ulttyq birlikke baýlyp, tárbıeleý, sonymen qatar, balalardyń shyǵarmashylyq áleýetin ashýǵa járdemdesý bolyp tabylady. Atalǵan sharapatty shara sýret salý salasynda kózge túsken daryndy balalardy anyqtap, olardyń damýyna jaǵdaı jasaýda, shyǵarmashyl jastardy áleýmettik baspaldaqtar arqyly órletýde Qazaqstan halqy Assambleıasy júrgizip kele jatqan jumystardyń jalǵasy ispetti.
Baıqaý eki kezeń boıynsha ótedi: І kezeń - Balalardy qorǵaý kúnine arnalǵan (2012 jyldyń 1 maýsymy) óńirlik (irikteýshi), ІІ kezeń - Astana qalasynda Elorda kúnin merekeleýge arnalǵan (2012 jyldyń 2 shildesi) respýblıkalyq (qorytyndy) saıys.
Joba aıasynda aǵymdaǵy jyldyń 1 maýsymynda Qazaqstannyń barlyq oblys ortalyqtarynda jáne Túrkistan, Semeı qalalarynda Balalardy qorǵaý kúnine oraılastyrylǵan baıqaýdyń irikteý saıysy balalardyń úzdik jumystary kórmesimen aıaqtaldy. Sharaǵa oblys, qala ákimderi, QHA-nyń óńirlerdegi hatshylyqtary meńgerýshileri, etno-mádenı birlestikter ókilderi, bilim berý departamentteriniń jetekshileri, «KazMicroFinance» mıkrokredıttik uıymy fılıaldarynyń dırektorlary jáne BAQ qatysty.
Baıqaýǵa jalpy bilim berý mektepterinde, óner mektepterinde, qosymsha bilim berý mekemelerinde jáne t.b. oqýdaǵy 6-14 jas aralyǵyndaǵy balalardyń jumysy usynyldy.
Óńirlik baıqaýdyń qorytyndylary boıynsha jeńimpazdarǵa І, ІІ jáne ІІІ dárejeli dıplomdar jáne baǵaly júldeler tapsyrylady. Sonymen qatar, barlyq qatysýshylar bas demeýshi «KazMicroFinance» mıkrokredıttik uıymynan syılyqtar aldy.
Óńirlerdiń jeńimpazdary 2012 jyldyń 2 shildesinde ótetin jáne Astana kúnin merekeleýge arnalatyn baıqaýdyń aqtyq kezeńine qatysý úshin Astana qalasyna shaqyrylady.
