Arman Isetov Syrtqy ister mınıstriniń orynbasary bolyp taǵaıyndaldy

ASTANA. KAZINFORM – Memleket basshysynyń ókimimen Arman Isetov Syrtqy ister mınıstriniń orynbasary laýazymyna taǵaıyndaldy. Bul týraly Aqordanyń baspasóz qyzmeti habarlady.

- Memleket basshysynyń ókimimen Arman Asqaruly Isetov Qazaqstan Respýblıkasy Syrtqy ister mınıstriniń orynbasary laýazymyna taǵaıyndaldy, - delingen habarlamada.

 1975 jylǵy 17 jeltoqsanda Qostanaı oblysynda dúnıege kelgen.

1998 jyly ál-Farabı atyndaǵy Qazaq ulttyq ýnıversıtetin bitirgen.

Óziniń dıplomatııalyq qyzmetin 1998 jyly Qazaqstan Respýblıkasy Syrtqy ister mınıstrliginde Shart-quqyqtyq basqarmasynyń referenti retinde bastady.

1999-2004 jyldary QR SІM Halyqaralyq-quqyqtyq departamentinde túrli laýazymdarda jumys istedi.

2004 jyldan 2008 jylǵa deıin – Nıý-Iorktegi Qazaqstannyń BUU janyndaǵy Turaqty ókildiginiń birinshi hatshysy, al 2008-2009 jyldary QR SІM Kópjaqty yntymaqtastyq departamentinde basqarma bastyǵy qyzmetin atqardy.

2009 jyly SІM Halyqaralyq-quqyqtyq departamenti dırektorynyń orynbasary bolyp taǵaıyndaldy, al 2012 jyly osy departamentti basqardy.

2018-2022 jyldary – Nıý-Iork qalasynda BUU janyndaǵy QR Turaqty ókiliniń birinshi orynbasary.

Qazaqstan Syrtqy ister mınıstriniń orynbasary bolyp taǵaıyndalǵanǵa deıin 2022 jylǵy sáýirden bastap Taılandtaǵy QR Elshisi laýazymyn atqardy.

І synypty Tótenshe jáne Ókiletti Ýákil dıplomatııalyq dárejege ıe. Aǵylshyn jáne túrik tilderin meńgergen.

Aıta keteıik, búgin Prezıdent elshilerdi taǵaıyndady.