Arman Dýnaev - «Qazaqstan halyq banki» AQ Dırektorlar keńesiniń múshesi
ALMATY. 13 qyrkúıek. QazAqparat - Arman Dýnaev «Qazaqstan halyq banki» AQ Dırektorlar keńesiniń múshesi bolyp saılandy.
Banktiń baspasóz qyzmetiniń habarlaýynsha, bul sheshim quramynan Qadyrjan Damıtovtyń óz bastamasymen ketýine baılanysty 10 qyrkúıekte Dırektorlar keńesiniń bastamasymen shaqyrtylǵan aktsıonerlerdiń kezekten tys jalpy jınalysynda qabyldanǵan. Onda bank aktsıonerleri Arman Ǵalıasqaruly Dýnaevty táýelsiz dırektor retinde Dırektorlar keńesiniń músheligine qosymsha saılaý jáne onyń ókilettik merzimin saılanǵan sátten bastap Dırektorlar keńesiniń áreket etip otyrǵan quramynyń ókilettik merzimi ótkenshe belgileý týraly sheshim shyǵarǵan. Aǵylshyn tilin jetik meńgergen ekonomıka ǵylymdarynyń kandıdaty A.Ǵalıasqaruly 1966 jyldyń 7 qazanynda Taldyqorǵan oblysy Gvardeıskıı aýdanynyń Qoǵaly aýylynda dúnıege kelgen. 1988 jyly saıası ekonomııa mamandyǵy boıynsha S.Kırov atyndaǵy Qazaq memlekettik ýnıversıtetiniń fılosofııa-ekonomıka fakýltetin úzdik bitirgen ol, eńbek jolyn Jambyldyń gıdromelıoratıvti-qurylys ınstıtýtynyń kafedrasynda ǵylymı qyzmetker retinde bastady. Sol jyly Lomonosov atyndaǵy Máskeý memlekettik ýnıversıtetiniń aspırantýrasynyń kúndizgi bólimine aspırant retinde qabyldanyp, 1992 jyly kandıdattyq dıssertatsııasyn qorǵady. Memlekettik organdar men qarjy salasynda jumys tájirıbesi mol.
