Arman Áshimov M1 Challenge chempıondyq beldigi úshin saıysqa shyǵady
ASTANA. QazAqparat - Tanymal qazaqstandyq MMA sheberi Arman Áshimov eń jeńil salmaqta M1 Global chempıondyq ataǵy úshin jekpe-jekke shyǵady, dep habarlaıdy «SPORTINFORM» SAA.
12 mamyr kúni Qytaıdyń Shenchjen qalasynda aralas jekpe-jekten M-1 Challenge 91 halyqaralyq týrnıri ótedi. Atalmysh jarystyń basty jekpe-jeginde uıymnyń chempıondyq beldiginiń ýaqytsha ıegeri Arman Áshimov M-1 básekesiniń chempıony Aleksandrom Doskalchýkke qarsy shyǵady.
Osydan bir jyl buryn Doskalchýk M-1 jarysynyń eń jeńil salmaqtaǵy tolyqqandy jeńimpazy atanǵan bolatyn. Alaıda ol jaraqatyna baılanysty karerasynda biraz úzilis jasaýǵa májbúr boldy.
Osy ýaqyt aralyǵynda dıvızıonǵa qazaqstandyq jekpe-jek sheberi Arman (Mustafa Óztúrik) Áshimov shyqty. Óte qyzyqty ótkizgen 3 kezdesýden keıingi senimdi jeńisterinen soń Arman ýaqytsha chempıon atandy. Endi ol óziniń karerasyndaǵy eń mańyzdy jekpe-jekke saqadaı-saı otyr.
