Arman Ábenov «Saýda saıasatyn damytý ortalyǵy» AQ-nyń bas dırektory bolyp taǵaıyndaldy

ASTANA. QazAqparat - Arman Ábenov Qazaqstan «Saýda saıasatyn damytý ortalyǵy» AQ-nyń bas dırektory bolyp taǵaıyndaldy. Buǵan deıin ol Qazaqstan Respýblıkasynyń Belgııa Koroldigindegi Elshiliginiń birinshi hatshysy laýazymyn atqardy, onda Qazaqstannyń DSU-ǵa kirýi jáne EO-men áriptestikti jáne yntymaqtastyqty keńeıtý boıynsha kelisimder jasasý jónindegi máselelermen aınalysty, dep habarlady QR Ulttyq ekonomıka mınıstrliginiń baspasóz qyzmetinen.

Arman Ábenov 1980 jyly Almaty qalasynda dúnıege kelgen. 2001 jyly Qazaq memlekettik basqarý akademııasyn «Halyqaralyq Ekonomıst»mamandyǵy boıynsha bitirip shyqty.

2005 jyly «Іskerlik Ákimshilendirý magıstri» mamandyǵy boıynsha Waynesburg University, Pennsylvania, USA "MBA" bitirdi.

Eńbek jolyn 2002 jyly Qazaqstannyń bank sektorynda bastady.

2006 jyly Ekonomıka jáne bıýdjettik josparlaý mınıstrligi Investıtsııalyq saıasat jáne josparlaý departamentiniń bas mamany laýazymyna memlekettik qyzmetke ornalasty.

Ár jyldary Investıtsııalyq saıasat basqarmasynyń bastyǵy, Investıtsııalyq saıasat departamenti dırektorynyń orynbasary, Qazaqstan Respýblıkasy Ekonomıkalyq damý jáne saýda mınıstrligi Memleket mindettemelerin basqarý jáne qarjy sektoryn damytý saıasaty departamentiniń dırektory laýazymdaryn atqardy.

Qazaq, orys, aǵylshyn tilderin meńgergen.

«Qazaqstan Respýblıkasy táýelisizdigine 20 jyl» medalimen, Qazaqstan Respýblıkasy Premer-Mınıstriniń Alǵys hatymen marapattalǵan.

Úılengen, úsh balasy bar.