Arlı Chonteı Hıýstondaǵy ÁCh saıysyn aıaqtady
ASTANA. QazAqparat - Búgin Hıýstonda aýyr atletıkadan eki salmaq dárejesinde (bireýi erler arasynda jáne bireýi áıelder arasynda) álem chempıonaty bastaldy.
Aýyr atletıka federatsııasynyń baspasóz qyzmetiniń habarlaýynsha, jarystyń birinshi kúni bizdiń quramamyz úshin sátsiz ótti. 56 kelige deıingi salmaq dárejesinde Qazaqstannyń atynan Arlı Chonteı shyqty. Biraq, sportshymyzdyń «julqa kóterýdi» ekinshi orynda aıaqtaǵanyna qaramastan, qossaıys qorytyndylary boıynsha júldegerler úshtiginen shyǵyp ketti.
«A» tobynda medaldar úshin kúreske 10 adam shyqty.
Chonteı birinshi múmkindiginde 120 kelige tapsyrys berip, keıinnen bastapqy salmaqty 127 kelige deıin eki ret ózgertti jáne ony ońaı eńserdi. Ekinshi «julqa kóterýi» sátsiz ótti, al úshinshi múmkindiginde bizdiń sportshymyz 132 kelini baǵyndyrdy. Vetnam jáne KHDR-dan kelgen eki qarsylasyna sáıkesinshe eki jáne bir upaı jetispedi. Ekeýi de málimdegen 133 keli salmaqty baǵyndyra almady, sondyqtan bul jattyǵýda bizdiń sportshymyzdyń «kúmis» alýy aıqyn boldy. Birinshi orynda Olmpıada oıyndarynyń jeńimpazy, «serpe kóterýde» 139 kelini baǵyndyryp, jańa álemdik rekord ornatqan qytaılyq sportshy Ý Tszınbıao ornalasty. Kóshbasshylar úshtigine 2012 jylǵy Olımpıada chempıony, 2014 jylǵy álem chempıony Om ıÝn Chhol kirdi.
«Serpe kóterýde» bizdiń sportshymyz 150 kelige tapsyrys berdi, biraq berilgen úsh múmkindiktiń bárin sátsizdikpen aıaqtady. Bul jattyǵýda 171 kelini baǵyndyryp, álemdik rekord ornatqan soltústikkoreıalyq sportshy kóshbasshy atandy. Ol Hıýston chempıonatynyń altyn medalin aldy.
Erteń, 23 qarasha kúni Astana ýaqytymen saǵat saǵat 03:00-de 53 kelige deıingi sanatta («A» toby) Margarıta Elıseeva shyǵady. Tikeleı kórsetilim «Kazsport» telearnasynda ótkiziledi. Saǵat 09:30-da 69 kelige deıingi «V» tobynda Farhad Harkı baq synaıdy.
