«Arlandardyń» taǵdyry arnaıy jıynda qaralady
ASTANA. 9 sáýir. QazAqparat - «Astana arlandarynyń» taǵdyry aldaǵy eki aptada sheshilýi tıis. Astanada ótip jatqan Olımpıadalyq irikteý synynan keıin boks sheneýnikteri bas qosyp, «arlandardyń» bolashaǵyn sheshýi tıis.
Bul týraly «Alaman» portalyna «Astana arlandarynyń» burynǵy dırektory Bolat Mankenov málimdedi.
«Aldaǵy ýaqytta boks federatsııasynda jınalys ótpek. Bul jıynǵa Tımýr Qulybaevtyń ózi kelip qatysady. Sol jerde «Astana arlandarynyń» bıylǵy maýsymy qorytyndylanyp, bolashaǵy aıqyndalady», - dedi Mankenov portalǵa bergen suhbatynda.
Arnaıy óter jıynda jańa basshylyq hám bapkerler máselesi jáne quramy syndy máseleler qaralýy tıis.
